008-Others Support

30th July 2023 (Sunday)

Clicker's Universe သဘောထားထုတ်ပြန်ချက် 

NUGPay Management Team

Ministry of Planning,Finance,and Investment ၏ အသိပေးကြေငြာချက်နှင့်ပတ်သတ်၍ သဘောထားထုတ်ပြန်ချက်

၁။ NUGPay Facebook Page စာမျက်နှာတွင် 29.7.2023 နေ့က ထုတ်ပြန်ခဲ့သည်ဟု ယူဆရသော(ထုတ်ပြန်စာတွင် ရက်စွဲမပါပါ။) MOPFI တံဆိပ်ခေါင်းပါ အသိပေးကြေငြာချက်တွင်

"လိမ်လည်နေသူများကို ငွေထုတ်နိုင်ရန် ကူညီပေးနေသည့် Acc အချို့ကို ပိတ်သိမ်းခဲ့သည်" ဟု ဖော်ပြထားရာ Clicker's Corner အဖွဲ့မှ NUG PAY Acc များလဲ ပိတ်သိမ်းခံရသည်ဟု ကြားသိရပါသည်။

"လိမ်လည်နေသူများကို ငွေထုတ်နိုင်ရန် ကူညီပေးနေသည့် Acc အချို့"ဟူသည့် အသုံးအနှုန်းသည် Clicker's Corner အဖွဲ့အား အကျိုးသက်ရောက်ခဲ့သည်ရှိသော် ကျွန်ုပ်တို့ Clicker အဖွဲ့အစည်းများမှ ထိုအသုံးအနှုန်းအား ပြင်းထန်စွာ ရှုံ့ချအပ်ပါသည်။

၂။ Clicker's Corner ကို 27.4.2022(WED) နေ့ တွင် စတင်ဖွဲ့စည်းခဲ့ပြီး Facebook Page တည်ထောင်ကာ Clickerများအဆင်ပြေလွယ်ကူစွာ Clickထောက်ပို့နိုင်ရန် ရည်ရွယ်ဖွဲ့စည်းခဲ့ခြင်းဖြစ်ပါသည်။ ကျွဲကူးရေပါ ဆိုသလို မြေပြင်မှPDFအဖွဲ့များနှင့် ပြည်သူများ NUG PAY လဲလှယ်မှုအဆင်ပြေစေရန်လည်း ဝန်ဆောင်မှုပေးခဲ့ပါသည်။ ယခု ဖြစ်စဉ်မဖြစ်ခင်အထိ Clicker's Corner သည် နာမည်ပျက်အစွန်းအထင်းတစ်စုံတစ်ရာမရှိဘဲ ပြည်သူများအား ကူညီဝန်ဆောင်မှုပေးလာသည်မှာ တစ်နှစ်ခန့်ရှိပြီဖြစ်ပါသည်။

(Clicker's Corner တည်ထောင်ရခြင်း၏ ရည်ရွယ်ချက်အသေးစိတ်ကို အောက်ဖာ်ပြပါ ပူးတွဲ FB Postတွင် ဖတ်ရှုလေ့လာနိုင်ပါသည်။)

၃။NUGPayမှ တာဝန်ရှိသူများ အနေဖြင့် Clicker's Conerအဖွဲ့အစည်းသည် မည်ကဲ့သို့ လည်ပတ်‌‌နေပြီးClickerများ/ ပြည်သူများအား တတ်နိုင်သည့်ဘက်မှ အကူအညီပေးနေသည်ကို ပထမဦးစွာ နာလေ့လာစီစစ်ရန်အထူးလိုအပ်လှပါသည်။အသိအမှတ်ပြုရန်လည်း လိုအပ်ပါသည်။ အကြောင်းအရာ တစ်ခုအား သေချာစွာ စီစစ်ဝေဖန်ပိုင်းခြားခြင်းမရှိဘဲ ပြည်သူများအား ဝေဝါးစေနိုင်သော Clicker's Corner အဖွဲ့ ၏ NUGPay Acc များ ပိတ်သိမ်းခြင်းအား ပြန်လည်စဉ်းစားပေးရန် ကျွန်ုပ်တို့ Clicker အဖွဲ့အစည်းများ မှ မေတ္တာရပ်ခံ အပ်ပါသည်။

၄။Clicker များ(ပြည်သူများ)၏ ထောက်ခံမှု ယုံကြည်မှုအပြည့်အဝရရှိထားသော Clicker's Corner အဖွဲ့မှ NUGPay Accများအား မှားယွင်းစွာပိတ်သိမ်းမှုသည် NUGPay တာဝန်ရှိသူများ၏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ပြည်သူများနှင့်ထိတွေ့မှု၊ ပြည်သူ့အသံနားထောင်မှု များစွာလိုအပ်နေ‌သေးသည့် အားနည်းချက်ကို မီးမောင်းထိုးပြနေခြင်းပင်ဖြစ်သည်။မတရားပိတ်သိမ်းခံရသော Clicker's Corner အဖွဲ့ဝင်များ၏ NUGPay Accများအား အမြန်ဆုံးပြန်ဖွင့်ပေးလိမ့်မည်ဟု ကျွန်ုပ်တို့မျှော်လင့်မိပါသည်။

(NUGPay Acc သုံးခြင်း/ငွေလဲ ကူညီခြင်းများ သည် ကျွန်ုပ်တို့ Clicker အဖွဲ့များအတွက် မည်သို့မျှအကျိုးကျေးဇူးထူး၍မရှိပါ။အလုပ်ပင်ပိုပါသေးသည်။ သို့ပါသော်လည်း NUGPay လဲလှယ် သုံးစွဲရန် အခက်အခဲ ဖြစ်နေသော မြေပြင်မှ PDFအဖွဲ့များနှင့် ပြည်သူများအားမျက်နှာမူ၍ အလုပ်ရှုပ်ခံ ကူညီပေးနေခြင်းသာဖြစ်ပါသည်။ မတရားအပိတ်ခံရသည်ဟု ယူဆ၍သာ ပြန်လည်ဖွင့်ပေးစေလိုခြင်းဖြစ်ပါသည်။)

၅။ အထက်ဖော်ပြပါ ကျွန်ုပ်တို့၏ သဘောထားသည် ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရ(NUG) နှင့် တစ်စုံတစ်ရာ သွေးကွဲခြင်း၊ သွေးခွဲခြင်း၊ ပုဂ္ဂိုလ်ရေးရာ တိုက်ခိုက်ခြင်း၊နိုင်ငံရေးခြေထိုးခြင်းမျိုး မဟုတ်ဘဲ မိမိတို့၏အစိုးရနှင့် သဘောထားကွဲလွဲမှုတစ်ခုကို အတူတကွပူးပေါင်းဆောင်ရွက်ကာအဖြေရှာလိုခြင်းသာဖြစ်ပါသည်။ကျွန်ုပ်တို့ Clickerအဖွဲ့အစည်းများသည် မည်သည့်နိုင်ငံရေးပါတီ၊ နိုင်ငံရးအဖွဲ့အစည်းတစ်ခုခု၏ လက်ဝေခံ လုံးဝ(လုံးဝ) မဟုတ်ပါ။စစ်အာဏာရှင်အမြစ်ပြတ်၍ ဖက်ဒရယ်ဒီမိုကရေစီပန်းတိုင်ရောက်သည်အထိ ကျွန်ုပ်တို့ Clicker's Universe မှ ပြည်သူများနှင့်အတူတကွရှိနေမည်ကို ထပ်လောင်းပြောကြားလိုပါသည်။

မိတ္တူကို

National Unity Government of Myanmar

Ministry of Planning,Finance and Investment -NUG(MOPFI)

-U Tin Tun Naing (NUG National Solidarity Government Project and Finance Minister)